OCHAN POU BON NOUVEL

Ni avanyè, ni yè
Ni jodiya, ni demen
Si n fouye byen, fò n wè
Tout sa ou fè, se trè byen.

Gen Jounal k ap pale franse
Tilititi dyòl woze
Kanta ou menm, monchè
Tout kote ou ye, ou fè pwogrè.

Tout move moman ou pase,
tout brimad yo ba ou,
Ou toujou kenbe fèm, san dekouraje,
ak fòs pa ou, san mande sekou.

Vwala ou gen 52 lane ou ap feraye
Janmè pa menm yon fwa, ou pa janm bat ba.

Pou lonè ou, pou respè ou, tout fanatik
sousye dwe wete chapo, bese salye ou 52 fwa.

Pou tout distraksyon, konsèy ki bay lavi
Pou tout enfòmasyon ki bay kouray
Ou toujou bay nèg lòtbò kon nèg lakay
N ap toujou di respè pou ou, zanmi.

Bon Nouvèl, kenbe fèm!
Tout fanatik sou tè, tout zanj ki nan syèl ap priye pou ou ka ret fèm.
E tout tan, toupatou, tout moun va toujou di:

OCHAN POU BON NOUVÈl !

Wojèn Bèten
Leyogàn

Share Button

Ou ka byen renmen sa yo tou

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *